ለማይክል ጃክሰን ሌላ የቀብር ሥነ ሥርዓት

ከአይቮሪኮስት ክሪንጃቦ ከተማ እየተሰማ ያለው የሙዚቃ አቀንቃኙ ማይክል ጃክሰን ከሞተበት ሰኔ 18 ቀን 2009 ጀምሮ ማህበረሰቡ በሐዘን ላይ መሆኑን ነው፡፡
ቢቢሲ ከስፍራው እንደዘገበው የአካባቢው ነዋሪዎች ማይክል ከሞተ አንስቶ እስካለፈው እሑድ ድረስ በሐዘን ቆይተዋል፡፡

"አብዛኛው ዓለም ማይክል ጃክሰንን የሚያውቀው ማይክል ጃክሰን በሚለው ስሙ ነው፡፡ ሆኖም በክሪንጃቦ ማይክል የሚታወቀው ልዑል ማይክል አማላ ማን አያዛህ በሚለው ስም ነው" ሲል ዘገባው አሳውቆ፣ ማይክል ይህን የልዑልነት ስም የተሰጠው በክሪንጃቦ አካባቢ የአንጊ ማህበረሰብ አባላትን በ1984 ዓ.ም. በጐበኘበት ወቅት ነው ብሏል፡፡

ማይክል ጃክሰን (ማይክል አማላማን) ለአንጊ ማህበረሰብ ከ1984 ወዲህ ልዑላቸው ሆኖ የቆየ ሲሆን፣ በምትኩ ሌላ ልዑል ከሠየሙ በኋላ ለርሱ የተቀመጡት ሐዘን ያበቃል፡፡

ኢማኑኤል ካሴ ኮፊን በመጥቀስ ቢቢሲ እንደዘገበው ሚ/ር ኮፊ የአካባቢውን ማህበረሰብ በመወከል የማይክል ጃክሰን አስከሬን እንዲሰጣቸውና በአካባቢው ማህበረሰብ ባህል መሠረት በአገራቸው በወንዝ ውስጥ እንዲቀበር በአቢጃን ለሚገኘው የአሜሪካ ኤምባሲ ጠይቀው ነበር፡፡

አስከሬኑን ለማግኘት ያልታደሉት አይቮሪኮስታውያኑ "የማይክል መንፈስ ከኛ ጋር ነው፡፡ በሰላምም ማረፍ አለበት" ብለዋል፡፡