የእግር ኳስ አጀማመር

የእግር ኳስ አጀማመር

በኢትዮጵያ የእግር ኳስ ስፖርት መታወቅ የጀመረው በ1916 ገደማ እንደነበር አንዳንድ ሰነዶች ይጠቁማሉ፡፡ በዚሁ ዓመት ነዋሪነታቸው በአዲስ አበባ ከተማ የነበሩ የውጭ አገር ኮሙኒቴዎች የእግር ኳስ ቡድን በማቋቋም እርስ በርስ ውድድር ያደርጉ እንደነበረ ተመዝግቧል፡፡ ከዚያን በኋላ በቀድሞዎቹ በዳግማዊ ምኒሊክና በተፈሪ መኮንን ት/ቤቶች የነበሩ ተማሪዎች ይህንኑ የኮሙኒቴዎቹን ውድድር አዘውትረው ይመለከቱ ስለነበረ በየት/ቤቶቻቸው ቡድን እያቋቋሙ ጨዋታውን መለማመድ ጀመሩ፡፡
በ1928 በታህሳስ ወር በአራዳ ሰፈር አብሮ አደግ በሆኑና ዕድሜያቸው ከ11 እስከ 13 ዓመት የሆናቸው አሥራ አንድ ሕጻናት ከትምህርት ቤታቸው ውጭ አንድ ቡድን አቋቋሙ፡፡

በ1930 አንድ የስፖርት ጽ/ቤት አሁን የቅዱስ ጳውሎስ ሆስፒታል በሚገኝበት ሥፍራ እንዲቋቋም ተደረገ፡፡ ጽ/ቤቱ ይመራ የነበረው የእግር ኳስና የብስክሌት ውድድሮችን ብቻ ነበር፡፡ ጽ/ቤቱ ሲቋቋም አገልግሎት እንዲሰጥ የተደረገው በኢትዮጵያውያን መካከል የእርስ በእርስ እንጂ ከሌሎች ኮሙኒቴዎች ጋር ውድድር እንዲያደርጉ አልነበረም፡፡

የኢጣሊያ የፋሺስት መንግሥት ከኢትዮጵያ ተባሮ ከወጣ በኋላ በአዲስ አበባና በአሥመራ የነበሩት የእግር ኳስ ቡድኖች ምንም ዓይነት ተጽዕኖ ሳይኖርባቸው ውድድራቸውን ቀጠሉ፡፡ ከግሪኮች፣ ከአርመኖች፣ ከሕንዶች ጋር ውድድር ሲያደርጉ በአሥመራ ከተማ የተቋቋሙትም ከእንግሊዞችና ከኢጣሊያ ቡድች ጋር እየተጋጠሙ ድል ያደርጉ ስለነበረ በሁለቱ ከተማዎች ነዋሪዎች ዘንድ የስፖርት ተወዳጅነት እጅግ ከፍተኛ ሆነ፡፡

(የ15ኛው የምሥራቅና መካከለኛው አፍሪካ የእግር ኳስ ውድድር፣1987)

Dear
your idia is very dood explaine &brifly but for future if you can possble include .abroad of country . like english primer leuge .
today enough

very sincerely your.
GoD BLESS YOU.